Ish-kryeministri Berisha u alarmua pas deklaratës së kreut të PD-së, Lulzim Basha, se është njohur me informacione sekrete nga amerikanët për aferat e tij. Në mbledhjet që ka pasur me deputetët dhe krerët e degëve në fundjavë, Basha i ka dërguar mesazh të koduar Berishës, duke thënë se largimi nga grupi është në të mirë të tij dhe familjes së tij. Çfarë di Basha, që nuk i dinë të tjerët?
Kryedemokrati Basha përjashtoi Berishën nga Grupi Parlamentar i Partisë Demokratike, në kufijtë e limitit kohor, një ditë përpara se të mbahej legjislatura X e Kuvendit. Basha dekalaroi se këtë vendim e mori në mënyrë personale, pasi sipas tij, nuk donte të nxiste përçarje në parti.
Por teksa gjakrat janë ndezur, ish-kandidatja për kryetare e PD-së, Edith Harxhi, ka hedhur shashkën e radhës. Ajo ka thënë se Berisha i ka ditur të gjitha, por nuk është në gjendje të shpjegojë arsyen pse e ka justifikuar. Ajo e konsideron nul vendimin më të fundit të Lulzim Bashës për të përjashtuar nga grupi i PD-së, liderin historik të së djathtës, Sali Berisha.
Sinjalet janë se DASH ka prova të forta, ku përmendet sidomos familja dhe fëmijët e Berishës dhe deklarata e Bashës ka ndryshuar totalisht aksionin e ish-kryeministrit. Ndonëse ka deklaruar se do nisë aksionin për rrëzimin e Bashës, duket qartë se deputetët dhe baza janë udhëzuar të mos ndërmarrin asnjë hap, çka tregon se Berisha është i trembur dhe ato që di Basha.
