Infermieri në spitalin Infektiv, Korab Gjana u bën thirrje qytetarëve që të ndërgjegjësohen dhe të respektojnë masat mbrojtëse për të parandaluar përhapjen e Covid-19.
Sipas tij, edhe pse ditët e fundit janë regjistruar shifra të frikshme të infektimeve dhe vdekjeve, përsëri njerëzit nuk e besojnë se Covid-19 ekziston.
“Çfarë u bë me virusin?! Hiç, shohim çuditshëm sjelljen e tij sesi i vërsulet popullit në pamëshirë; e lëndon atë, ai s’reagon; e lodh atë, ai prapë rri dhe pret; e vret atë dhe ai prapë s’do ta besoj. Vazhdon vërsulja dhe egërsia e tij, e ne rrimë shikojmë sërish çuditshëm.”, shkruan Gjana në rrjetin social, Facebook.
Korab Gjana, ishte pjesë e grupit të mjekëve që shkuan për të ndihmuar në Itali në kulmin e pandemisë në muajin mars të këtij viti, ndërkohë që tashmë është pjesë e stafit te spitali Covid 1, te Infektivi.
