Dy artistët e njohur dhe vëllezërit Edmond dhe Robert Budina kanë rezultuar pozitivë me koronavirus.
Lajmi është konfirmuar nga burime të sigurta për “BalkanWeb”, të cilat tregojnë se dy vëllezërit i janë nënshtruar tamponit dhe kanë rezultuar pozitivë.
Nuk dihet se si mund të jenë infektuar dy regjisorët, por kujtojmë se ata kanë qenë në tur në disa rrethe të Shqipërisë, për firmosjen e peticionit për rindërtimin e Teatrit Kombëtar.
Ndërkohë lidhur me këtë ka reaguar edhe kryeministri Rama. Përmes një postimi në Twitter, kreu i qeverisë shpreh keqardhje ndërsa i uron atyre shërim të shpejtë.
“Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave!”, shkruan Rama.
