Bluzat e bardha janë heronjtë e vërtetë të kësaj gjendje që po përjetojnë shqiptarët dhe jo vetëm, me pandeminë COVID-19.
Teksa Shqipëria gjendet në shtet-rrethim, mjekët, infermierët dhe policët e gjithë vendit ndodhen në krye të detyrës. Ata janë në ndihmë dhe shërbim të gjithë banorëve të izoluar në banesat e tyre, në përpjekje për të kufizuar përhapjen e koronavirusit.
Mjekët dhe infermierët po luftojnë me armikun e përbashkët me emrin koronavirus. Fondacioni “Fundjavë Ndryshe” është solidarizuar me bluzat e bardha, të cilët po bëjnë një ‘luftë’ të vazhdueshme për të shpëtuar sa më shumë pacientë të infektuar.
Në dispozicion të personelit mjekësor por edhe për pacientët janë vënë koli me ujë. Ato janë shpëndarë në Qëndrën Spitalore Universitare “Nënë Tereza”, tek Spitali Infektiv.
Lajmin e ka përcjellë drejtuesi i “Fundjavë Ndryshe”, Arbër Hajdari, i cili thekson se në këto ditë të vëshira për vendin, do të jenë edhe pranë stafit mjekësor të Spitalit Infektiv.
Ata padiskutim janë të parët në frontin e ‘luftës’ ndaj virusit vdekjeprurës. “Në këto ditë të vështira jemi edhe pranë stafit mjekësor të Spitalit Infektiv, të cilët janë të parët në frontin e luftës ndaj virusit. Zoti ju ruajtë të gjithëve. Bashkë do ja dalim ❤️??? @fundjavendryshe”.
