Teksa po përballet me një valë të re të pandemisë, India vijon procesin e vaksinimit kundër kroronavirusit, ku prioritet kanë moshat e treta.
Ditën e sotme, është vaksinuar edhe një 124-vjeçare e quajtur Rehtee Begum, dhe besohet se është njeriu më i vjetër në botë, shkruan New Delhi Television Ltd.
Begum rezulton të jetë shtatë vite më e vjetër se japonezja, Kane Tanaka, e cila aktualisht njihet si gruaja më e vjetër në botë.
Gjyshja indiane u tregoi banorëve të zonës një kartelë lindje, ku pasqyrohet se ajo është 124 vjeç. Gjithsesi nuk kishte asnjë konfirmim zyrtar ose vërtetim të moshës së gruas pasi nuk kishte prova të siguruara nga gruaja ose familja e saj.
124 years old woman, Rehtee Begum gets her first dose of #CovidVaccine at kral mohalla Baramulla during door to door campaigning.#LargestVaccineDrive #JandKFightsCorona pic.twitter.com/v6YpN3ykcp
— DIPR-J&K (@diprjk) June 2, 2021
Situata e pandemisë në Indi vijon të mbetet kritike, pasi varianti i ri i zbuluar në këtë shtet, besohet se është më ngjitës dhe vdekjeprurës. Sipas Wordometers, deri më tani në Indi janë regjistruar 28,714,760 të infektuar, dhe kanë humbur jetën 344,336 persona.
