E shtunë, 12 Qershor, 2021
27.5 C
Tirana

Paralajmërimi i Joe Biden: Cilat mund të jenë pasojat në Shqipëri?

Nga: Ylli Pata

Ambasadorja amerikane në Tiranë, Yuri Kim, ka bërë të ditur nismën e presidentit të SHBA-së, Joe Biden, për një aksion pro-aktiv për të luftuar korrupsionin global.

“Memorandumi i sigurisë kombëtare” që urdhëron Departamentin Amerikan të Shtetit dhe një sërë agjencish të tjera t’i dorëzojnë presidentit brenda 200 ditëve një raport dhe rekomandime se si Shtetet e Bashkuara mund të përdorin më mirë burimet e tyre dhe partneritetin me vendet e tjera për të luftuar korrupsionin në rang global, duket qartë si një paralajmërim për një nismë më të avancuar dhe mekanizma më të rinj nga ato që janë marrë deri tani.

Po cilat mund të jenë realisht këto mekanizma? Në linjën logjike, dy janë linjat ku mund të veprojë SHBA, nëse e kanalizojmë këtë nisëm për vendin tonë. Një në linjën ndërkombëtare dhe një në atë të marrëdhënieve dypalëshe.

Deri tani SHBA ka ndërmarrë jo vetëm me Shqipërinë, aktivizimin e skemës së cilësimit “non grata” për personat që ka dyshime të forta për lidhje me korrupsionin.

Vendimi më i fundit ishte ai që ndëshkoi ish-presidentin dhe ish-kryeministrin e Shqipërisë, Sali Berisha.

Por ky mekanizëm në fakt është i përdorur prej vitesh, dhe nisma e re bën të ditur një avancim të kësaj nisme.

SHBA, sipas të gjitha gjasave, duke ju referuar edhe përvojës në të kaluarën me vende të tjera që ka pasur vendime për sanksione, siç ka qenë rasti i Rusisë apo i organizatave terroriste, ngrirja e aseteve ndërkombëtare të personave të përfshirë është një masë e cila ka rezultuar e efektshme.

SHBA me ngrirjen e aseteve, nuk bën fjalë thjesht për ngrirje të aseteve që janë aktive në SHBA, por edhe në vende të tjera të botës, ku Uashingtoni ka marrëdhënie.

Lexo edhe :   Asnjë viktimë nga koronavirusi, 11 raste të reja në 24 orët e fundit

Në eksperiencën e këtij fenomeni, pati efekte të rëndësishme, pasi ngrirja e aseteve të disa zyrtarëve dhe bisnesmenëve rusë, rezultoi e tillë jo vetëm në SHBA, por edhe në vende europiane si Gjermania, Franca, Italia, apo edhe shtete të tjera.

Kjo, pasi SHBA i kushtëzoi partnerët e saj që të mos kenë asnjë marrëshënie me këto subjekte.

Ky mekanizëm i kushtoi shumë Rusisë, ndaj Moska disa herë ka kërkuar në mos heqjen, të paktën lehtësimin e këtyre masave nga ana e vendeve të Bashkimit Europian, që janë partnerë kryesorë tregtarë.

Ndërkaq, masa në lidhje me Shqipërinë, në nivelin dypalësh ka të bëjë me thellimin e bashkëpunimit aktual që SHBA ka në lidhje me mbështetjen e reformës në drejtësi.

Lexo edhe :   Zhvillimet kryesore në rajon në 24 orët e fundit

Një rol pro-aktiv, që mund të jetë si mbështetje më e madhe financiare për organet më të reja të drejtësisë si SPAK e BKH, ashtu edhe ndihmë logjistike, sidomos në metodat e reja teknologjike të ndjekjes, përgjimit dhe mbledhjes së provave ndaj zyrtarëve të korruptuar.

Në vitet ‘80 të shekullit të shkuar, ishte pikërisht nisma e Qeverisë amerikane për të ndihmuar Prokurorinë Antimafia të Palermos, që solli një hap cilësor në hetimet ndaj Cosa Nostra-s.

Prokurori i Nevv York-ut, Rudy Guliani dhe ish-shefi i FBI Louis Freeh, ishin bashkëpunëtorët më të ngushtë të Giovani Falcone-s dhe Paolo Borselino-s, që çuan në sukseset e arrestimit, gjetjes së provave dhe dënimit të kupolës së Cosa Nostra-s siçiliane.

Por natyrisht ka edhe rrugë të tjera, që në kohën e sotme dixhitale janë të mundshme, kryesisht me asetet e fshehura në bankat apo institucionet financiare dhe pasuritë e patundshme, ku mund të kenë lidhje apo gjurmë zyrtarë apo politikanë të lidhur me korrupsionin…

- Reklama -

Më shumë nga kategoria




Të fundit

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...

Salianji: Gruevski si Rama mori mandat të tretë, por ra brenda një viti

Deputeti i zgjedhur i Partisë Demokratike, Ervin Salianji ka bërë një paralelizëm të situatës aktuale politike në Shqipëri, të asaj para disa viteve në...