FIFA vjen me risi, ku do të implementohet teknologjia e re për pozicionin jashtë loje. Kjo teknologji të re, do të implementohet në Kupën e Arabisë. Bëhet me dije se teknologjia do të jetë gjysmë automatike, e cila do të testohet për rastet e pozicionit jashtë loje. Shefi i Arbitrave, Pierluigji Kolina e ka cilësuar shumë të rëndësishme për të ardhmen e futbollit.
Kolina ka thënë se kjo teknologji është shumë e rëndësishme, për rastet e dyshimta gjatë lojës. Vendimi në fjalë do të merret duke u bazuar nga pozicioni i lojtarit, por dhe nga përfshirja e tij në aksion.
“Teknologjia është shumë e rëndësishme për rastet e dyshimta gjatë lojës. Vendimi do të merret duke u bazuar nga pozicioni i lojtarit, por dhe nga përfshirja e tij në aksion”. Për të gjithë ata që janë të interesuar se si do të funksionojë kjo teknologji, raportohet se do të instalohen kamera në tarracën e çdo stadiumi.
Të dhënat e marra nga videot, do t’i dërgohen menjëherë dhomës së vëzhgimit. Vija e pozicionit jashtë loje do të llogaritet, dhe rezultati do të jepet në kohë reale. Arbitri pastaj do të thërritet në VAR për të shqyrtuar rastet e dyshimta. Kjo teknologji do të implementohet si fillim në Kupën e Arabisë 2021, dhe pritet të jetë një ndihmë e madhe në zbardhjen e rasteve deçisive.
