Kreu i Policisë së Shtetit, Ardi Veliu, ka kaluar çdo kufi me publikimin e një video-je personale, si një masë për të mbrojtur efektivët që dhunuan djalin e mitur pak kohë më parë. Madje ai shkon edhe më tej, duke thënë se policia është viktimë para një skene të tillë dhune.
Ndonëse nuk ndali etiketimet ndaj të emës së 15-vjeçarit, ajo çfarë ai manipuloi me mjaft mjeshtëri lidhet me faktin se video që shfaqi në një dalje televizive, ishte ajo çfarë kishte realizuar në një skenë filmi.
E ëma e 15-vjeçarit është një aktore, dhe videoja që shfaqi Veliu ishte një pjesë nga prapaskenat e filmit “Dashuria s’mjafton”. Po çfarë ka bërë z. Veliu? Duke hedhur baltë mbi familjen e djalit, ai përdori një video personale, të cilën e ka marrë nga rrjetet sociale.
Pamjet e marra nga një film i suksesshëm, kreu i policisë i përdori për të mos u ‘djegur’. Madje sulmet e tij nuk kanë të ndalur kur tha se i mituri kishte probleme me ligjin. Ziada Çobo deklaroi në një intervistë në “Abc News” se nuk ndihet e kërcënuar. Por teksa përgënjeshtron këtë lajm, ajo shton më tej se do të shkojë në Prokurori, pasi nuk do ta lejë këtë çështje me kaq!
Po kush është Zaida Çobo?
Zaida Çobo, nëna e djalit që u dhunua disa javë më parë nga efektivët e policisë së Tiranës, është një figurë e njohur për publikun shqiptar. Ajo u sulmua publikisht edhe nga kryepolici Ardi Veliu, i cili e fyu duke i publikuar disa pamje me armë në dorë, të cilat ajo i kishte xhiruar gjatë një filmi.
Ajo u pikas në “BBA” për shpirtin sfidues e luftarak, ndjeshmërinë e një nëne, karakterin e fortë dhe guximin e të shprehurit të vërtetës. Pas daljes nga ‘BBA’, ajo nuk ju nda jetës publike dhe spektakleve. Në bashkëpunim me producentin nga kosova (Dashnor Asllani) dhe Kikën (ish banor i ‘BBA’), Zaida erdhi pranë publikut në rolin e producentes së spektakleve të ndryshme në Shqipëri dhe jashtë saj, Kosovë, Serbi etj. Si: “Mis & mister internacional albania” etj.
Ajo vjen edhe si aktore, por që për fat të keq, artin ia përdorën për qëllime të tjera. Sjellja dhe gjesti që bëri Ardi Veliu, lë për të dëshiruar! Pyetja që të lind krejt natyrshëm është: Çfarë mund të presësh nga kjo polici?!
