E lindur në vitin 1951 në Hungari, Ilona u rrit nga nëna e saj dhe njerku i saj, një zyrtar i Ministrisë së Brendshme. Nisi të punonte si modele që 13-vjeçe.
Më vonë pohoi se kishte punuar si agjente për shërbimin sekret komunist. Ajo përgjonte diplomatët amerikanë që jetonin në një hotel luksoz në Budapest, ku ajo punonte si shërbyese.
Në atë hotel u njoh dhe u martua me italianin Salvatore Martini. Kur mbërriti në Itali, nisi të luajë në filmat erotikë dhe pornografikë.
Në mesin e fansave të saj ishin deputetët italianë, që i vunë nofkën “Cicciolina” (Topolakja). Në vitin 1979 hyri në politikë, duke garuar si kandidate për deputete nga “Lista del Sole”. Në vitin 1985, kaloi me Partinë Radikale, dhe 2 vjet më vonë u zgjodh deputete me afro 20.000 vota.
Para fillimit të Luftës së Gjirit, i ofroi seks udhëheqësit irakian Sadam Husein, në këmbim të paqes në rajon. Të njëjtën ofertë i bëri në vitin 2006 edhe Osama bin Ladenit. Në vitin 2002, provoi të hynte në politikën hungareze, por pa sukses. Si ish-deputete italiane, ajo merr një pension vjetor prej 39 mijë eurosh.
TIRANA TODAY
