Presidenti Ilir Meta ka pohuar se do të jetë për një kohë të gjatë në jetën politike. Presidenti i Republikës, Ilir Meta, thotë se nuk ka frikë nga vendimi i Gjykatës Kushtetuese për shkarkimin ose jo të tij. Në një konferencë me gazetarët, Kreu i Shtetit u shpreh se ai ka zero çështje me Gjykatën Kushtetuese, ndërsa deklaroi se nuk thërret popullin për karrigen e tij, por për votën e lirë.
“Mos kini merak fare! Do të më kini këtu për 30, 40 dhe 50 vite”, ishte përgjigjja ndaj pyetjes së gazetarëve, se çfarë do të bëjë pas mbylljes së mandatit si president.
