Djali i madh i familjes Greku, i cili humbi prindërit dhe vëllanë në 26 nëntor, si pasojë e tërmetit tragjik, kishte dy muaj që ishte larguar nga Shqipëria, së bashku me bashkëshorten dhe fëmijët e tij.
Në një prononcimi dhënë për “News24”, i riu u shpreh se gjatë kohës që qëndronte në Francë ndihmonte edhe familjarët në Shqipëri.
“Jam pjesëtar i familjes që ishin në tragjedi. Morëm lajme të hidhura, siç nuk dëshironim. Ne qëlluam në Francë dhe nuk ishim këtu. Kisha nja dy muaj që isha larguar nga Shqipëria për një të ardhme më të mirë. Besoja se do ishte diçka më e mirë për ne, mbase do ishte të ndihmonim dhe njëri-tjetrin, por u detyrova të kthehem.
Ne jetonim të gjithë bashkë, mami, babi, vëllai me nusen e gocën, unë me nusen e fëmijët, si dhe motra, që punonte në Tiranë dhe rrinte më shumë andej. Mundësitë tona aq ishin dhe jetonim të gjithë bashkë. Pastaj, më dhanë mundësinë mua për të ecur përpara dhe për të ndihmuar edhe këta”, rrëfeu ai.
