Nga ana e policisë është bërë i mundur identifikimi i tre të miturve të moshave 13-14 dhe 15 vjeç, pasi rezultonin autorë të një sërë vjedhjesh në Tiranë. Ata ishin kthyer në tmerrin e një sërë bizneseve, ndërsa grabitjes nuk i kanë shpëtuar as zyrat shtetërore, si ajo e OSHEE-së.
Ata rezultojnë autorë të vjedhjes së bizneseve në zonën e “Rrugës së Durrësit” dhe zonës së Laprakës. Në videon e transmetuar nga “News 24”, shihen pamjet e grabitjes së zyrës së OSHEE-së në zonën e Laprakës në Tiranë.
Deri me tani janë dokumentuar dhe 2 vjedhje të tjera, të cilët mendohet se kanë pas të njëjtët autorë. Të miturit u identifikuan dhe u proceduan penalisht nga komisariati nr. 3, pasi për shkak të moshës, nuk mund të arrestohen.
