I intervistuar për mikrofonat e Radio Sportiva, ish-legjenda e Interit dhe sulmues shumë i njohur, Spillo Altobelli ka folur për Mauro Icardin.
Kapiteni i Interit u rikthye në fushë pas më shumë se pesëdhjetë ditësh dje në Genova dhe shënoi një gol e dha një assist për Ivan Perisic.
Ndërkohë, ky ka qenë komenti i ish-lojtarit të Interit për ish-kapitenin zikaltër:
“Icardi? Dje ashtu si e patë edhe ju ka treguar se është një nga 4-5 sulmuesit më të fortë në botë.
Unë Icardin si lojtar nuk do ta ndërroja me asnjë, me asnjë në botë. Në dy muajt e kaluar ka bërë disa gjëra të gabuara, ashtu si të mos shkonte në Vienë me shokët e skuadrës sepse ju hoq shiriti i kapitenit. Këtu jemi dakord bashkë.
Icardi duhet te tregonte se edhe pa shiritin e kapitenit ai eshte nje lojtar qe e dashuron Interin dhe per Interin mund te beje edhe pa shirit.
Icardi ka gabuar por fajtori kryesor për mua është vetëm një: Luciani Spalletti. Faji më i madh i teknikut të Interit nuk ishte në javët e kaluara por vetëm pak ditë më parë.
Për çfarë tha se Icardi sështë as Messi e as Cristiano Ronaldo? Pse e tha? Icardi është një pasuri e Interit dhe si i tillë duhet ruajtur nga grabitqarët e jo të hidhet në mes të uqërve që ta coptojnë.
Nga një trajner ekspert si ai dhe një njeri inteligjent si të gjithë e njohim nuk e prisja të dilte e të reagonte ashtu përpara miliona shikuesve.
Pastaj tentoi të rregullonte diçka dhe i përmiresoi deklaratat e tij, por për mua mbetet një gafë nga Spalletti dhe ai është fajtori më i madh në këtë histori.
E ardhmja? Unë nëse kam një lojtar të madh në shtëpi tentoj që ta mbaj me përjashtim të rasteve kur jam i detyruar ta shes…”
