‘Palët politike duhet të ndërveprojnë në dialog konstruktiv’. Ishte ky mesazhi i përcjellë nga ana e presidentit Meta, ndërsa ka kërkuar nga palët polike, që të dakordësohen për Reformën Zgjedhore.
Meta tha në një koferencë për mediat se ai ka bërë çdo gjë që të kishte një klimë pozitive në vend, dhe të plotësoheshin sa më shumë kushtet për provimin e qershorit që e bëjmë në BE.
Presidenti Meta bëri të ditur se që në datën 8 prill, i ka dërguar Ramës platformën për për të unifikuar qëndrimin e të gjitha palëve politike, me synimin e vetëm integrimin evropian.
“Pas ngjarjes tepër tronditëse të shembjes jo thjeshtë të teatrit, por edhe të shtetit ligjor në Shqipëri, dua të them se kam bërë çdo përpjekje jo vetëm për të menaxhuar sa më mirë si shtet, pavarësisht nga problemet, situatën e pandemisë, por edhe për të krijuar një klimë sa më pozitive në mënyrë që të mos harronim provimin e qershorit.
Duke qenë se ky është një objektiv mbarëkombëtar, kam bërë çdo gjë për një klimë sa më pozitive. Për këtë arsye, që më 8 prill i kam nisur Ramës platformën, të cilën po e bëj sot publike, të cilën ua kam paraqitur të gjithë përfaqësuesve ndërkombëtarë”, u shpreh Meta.
