Avokatja Brizida Gjikondi ka deklaruar se presidenti Ilir Meta kishte objektiv që të fuste në konflikt shqiptarët.
E ftuar mbrëmjen e djeshme në emisionin “Arena”, Gjikondi theksoi se Meta iu ka dhënë të gjithë personave që po sulmojnë KZAZ-të një koperturë ligjore dhe, sipas saj, këtu qëndron hilja dhe dinakëria e projektuar prej tij.
“E them me ironi, dekreti i presidentit ia arriti qëllimit. Qëllimi i tij ishte të fuste në konflikt shqiptarët. Dhe këtë konflikt horizontal që ishte, do që ta bëjë vertikal. Po flas populli me politikën.
Gjatë gjithë kohës që nga momenti që nxori dekretin, presidenti ka pasur këto shprehje:
1-Parlamenti i çunave të Shijakut.
2-OSBE e quajti ngatërrestare.
Me këto që kanë ndodhur tani, Ilir Meta i ka dhënë të gjithë personave që po sulmojnë KZAZ-të, sepse janë 90 KZAZ në të gjithë Shqipërinë, i ka dhënë një koperturë ligjore dhe kjo është hilja dhe dinakëria e projektuar prej tij, prej muajsh. Sepse të dalin protestuesit me dekretin në dorë dhe të thonë, po zbatojmë dekretin e presidentit në mbrojtje të kushtetutës është kakofonia më e madhe”, tha Gjikondi.
