Një çift zviceran që po pushonin në një dyshek uji në Itali, i ka zënë gjumi dhe e gjetën veten më shumë se një kilometër larg plazhit.
Ngjarja u regjistrua në Salento të Italisë. Çifti i të rinjve, përkatësisht 20 dhe 22 vjeç u përpoqën të ktheheshin në breg duke notuar, por era që frynte i bëri përpjekjet e tyre të kota.
Ata bërtitën dhe u përpoqën të tërhiqnin vëmendjen e notuesve, të cilët, pas disa minutash, e vunë re çiftin dhe thirrën për ndihmë.
Pushuesit njoftuan rojet bregdetare që u nisën drejt tyre dhe tërhoqën dyshekun në breg.
“Një aventurë e keqe mbaroi mirë”, tha Maurizio Scardia, i ndihmës së shpejtë. Ai theksoi se për shkak të shpërqendrimit dhe mosnjohjes së detit, i cili në ditët me erë mund të shtyjë gomonet e dyshekët, peripecia e të rinjve mund të kishte qenë edhe më e rëndë.
