Ardian Rragami, 47 vjeç,i cili ka vrarë fqinjin e tij në Shqipëri dhe është kapur në video duke i vënë thikën në fyt gruas së tij, është dëbuar nga Britania e Madhe.
Këtë e bëri të ditur sekretarja e Shtetit Sajid Javid, e cila tha se: “Autorët e huaj që janë të rrezikshëm, e të cilët abuzojnë më mikpritjen e shtetit duke kryer krime, nuk kanë vend në shoqërinë tonë.”
“Jam i kënaqur që Ardian Rragami, i cili ka kryer krime të neveritshme në të dyja vendet, tanimë është larguar me sukses nga Mbretëria e Madhe.”
Ardian Rragami, është prezantuar fillimisht si një refugjat me emrin “Ardian Gashi”, i cili u largua drejt Anglisë, pasi vrau fqinjin e tij në veri të Shqipërisë, në vitin 1998.
Në vitin 2002, ai u martua me Chrysoulla Michaels në Londër, e ku me vonë krijoi edhe një familje me të. 47-vjeçari tronditi Britaninë, pasi është parë duke i vënë thikën në fyt gruas së tij, në mënyrën më brutale.
U kap në vitin 2009 nga Interpoli në Britani, ndërkohë që po punonte në ndërtim në Essex, dhe në vitin 2010 u ekstradua në Shqipëri për të vuajtur dënimin e tij për 15 vite, por kreu vetëm një pjesë të dënimit.
Ai u rikthye në Angli, duke kaluar kufirin dhe në vitin 2016 ai shkoi në Wickford, Essex për t’u ribashkuar me gruan e tij britanike dhe dy vajzat e tyre, 13 dhe 15 vjeçe.
Rragami ka pasur precedentë të mëparshëm penal, por përdorte si arsyetim për t’u mos u ekstraduar në Shqipëri, dashurinë në familje./ Përshtati Tirana Today
