Hjuxh Henfer u lind dhe u rrit në Çikago nga prindër të besimit Metodist. Ai pati një edukim shumë konservator. Kur ishte i ri, familja nuk e lejonte të pinte apo luante kumar. Në familje nuk kishte absolutisht asnjë përqafim apo puthje. Hjuxh e hapi revistën “Playboy” në vitin 1953. Ai mori një hua në bankë, u ndihmua nga e ëma, dhe disa investitorë.
Numrin e parë e hapi me fotot nudo të Merilin Monro, të cilat ia bleu për 500 dollarë. Hjuxh ishte i virgjër, derisa u martua. Ky ishte një pakt me të fejuarën e tij, Mildred Uilliams. Por ajo e tradhëtoi gjatë kohës që Hjuxh kreu shërbimin ushtarak. Gruaja ia rrëfeu vetë tradhtinë, ndërsa Hjuxh e përshkroi atë si momentin më shkatërrues të jetës së tij. E ndjerë në faj, Mildred e lejoi ta shkonte me gra të tjera, me shpresën se kjo do ta shpëtonte martesën e tyre.
Por ata u divorcuan në vitin 1959. Hjuxh përpiqej t’i mbronte fëmijët e tij nga stili i jetesës si playboy. Kur vajza e tij adoleshente vizitonte Rezidencën Playboy, godina pastrohej nga të gjitha lodrat seksuale. Kur lindën 2 djemtë e tij, ai urdhëroi ndalimin e lakuriqësisë në rezidencë. Edhe pse nuk u takua asnjëherë më të, Hjuxh Hefner çonte çdo ditë trëndafila në varrin e Merilin Monro. Ai i ishte mirënjohës për suksesin që pati që në fillim revista e tij.
Kur vdiq në shtatorin e vitit 2017, Hefner u varros pranë saj.
