Ish-deputeti i Parlamentit Europian, Eduard Kukan ka reaguar pas vendimit për mos hapjen e negociatave me BE-në për Shqipërinë dhe Maqedoninë e Veriut.
Përmes një postimi në “Facebook”, Kukan e quajti një sabotator të heshtur presidentin e Francës, Emannuel Macron, ndërsa theksoi se ndihet i indinjuar dhe i neveritur nga qëndrimi i Francës.
Vendimi dritëshkurtër dhe i papërgjegjshëm, siç e konsideron Kukan, do të ulë nivelin e besueshmërisë së BE-së në Ballkanin Perëndimor.
“Jam shumë i neveritur dhe i indinjuar nga pozicioni i Francës në samitin e BE-së, i cili ka çuar në shtyrjen e mëtejshme të procesit të zgjerimit të BE-së. Unë e kam ditur se Presidenti Francez Macron kishte luajtur rolin e një sabotatori të heshtur për një kohë të gjatë. Sidoqoftë, nuk besoja se ata kishin përdorur një mashtrim të tillë për Maqedoninë e Veriut dhe Shqipërinë kur u mor zyrtarisht vendimi dritëshkurtër dhe i papërgjegjshëm.
Megjithatë, pjesa tjetër e besueshmërisë që kemi akoma atje (Tek BE) do të humbasë në të gjithë Ballkanin Perëndimor. Ky është një gjest degradues drejt këtij rajoni strategjik për interesat globale të BE-së. Do të dëshiroja t’u bëj thirrje partnerëve tanë të Ballkanit Perëndimor që të mos jenë të neveritur. Edhe pse e kuptoj plotësisht se sa e vështirë është. Në BE, ata kanë një shumicë miqsh dhe politikanë seriozë që do të vazhdojnë të punojnë me ta intensivisht për të arritur ambiciet e tyre evropiane. Do të dëshiroja t’u bëj thirrje atyre që të dëshmojnë në përparimin e tyre të ardhshëm evropian se ata kujdesen më shumë për krijimin e një Evrope të tërë dhe të bashkuar sesa ata që e komplikojnë veten sot”, thuhet në reagimin e Kukan.
