Duket se tentativat e opozitës për ta trembur Ramën, nuk kanë qënë aspak efektive. Ka ndodhur krejt e kundërta, ndërsa Rama i mëshon fort faktit se kundërshtarët e tij të betuar janë të dobët.
Kyeministri Edi Rama, në një intervistë për “Corriere della Sera”, i ka mëshuar fort faktit se nuk ka ndërmend të japë dorëheqjen, dhe as të çojë vendin në zgjedhje të parakohshme.
“Nëse ka ndonjë gjë, është një krizë e thellë e opozitës që nuk është në gjendje të sfidojë qeverinë politikisht. Kjo pakicë është më e dobët se në zgjedhjet e vitit 2017: nëse do të votonim nesër do të merrnin më pak vota”, është shprehur ai.
Sipas tij, pasoja e protestës së opozitës ishte shkatërrimi i kërpudhës së instaluar para Kryeministrisë.
“E vetmja gjë që ka bërë protesta e opozitës, ishte t’i japë Shqipërisë një imazh negativ me një dhunë absurde, por me një rezultat zhgënjyes. Pasoja e vetme konkrete ishte shkatërrimi i një vepre arti, një kërpudhë që e kisha instaluar në oborrin e ndërtesës së qeverisë”, ka thënë ai.
Rama nuk i ha presionet e opozitës: S’kam ndërmend të jap dorëheqjen!
