Është ndoshta njeriu më me fat në këtë botë. Historia e tij është aq e pabesueshme, saqë të duket si një film fanta-shkencë. Megjithatë, ngjarjet që i kanë ndodhur gjatë jetës kroatit Frane Selak, janë reale, dhe ai e ka “mashtruar” vdekjen plot 7 herë.
Në vitin 1962, një tren doli nga shinat dhe ra në një lumë. 17 pasagjerë vdiqën, Selak mbijetoi. Një vit më pas, ndodhej në bordin e një avioni që u rrëzua. 19 persona humbën jetën, ndërsa Selak arriti të hidhej në momentin e fundit, duke rënë mbi një mullar me bar.
Në vitin 1966, autobusi ku ai po udhëtonte doli nga rruga. Vdesin 4 pasagjerë, Selak mbijeton sërish. Në vitin 1970, makina i merr flakë në ecjen e sipër, por ai arriti të dalë dhe largohet në kohë, para se ajo të shpërthente në flakë.
Tre vite më vonë, makina i merr flakë sërish, dhe Frane prapë mbijeton. Shumë vite më vonë, më 1995 përplaset nga një autobus teksa ecte në rrugë. Merr plagë të rënda, por sërish i shmanget vdekjes.
Një vit më pas humb kontrollin e makinës dhe del nga rruga, dhe sërish mbijeton. Si të mos mjaftonte kjo, në vitin 2003, njeriu më fatlum në botë fiton në lotari çmimin e madh prej 1 milionë dollarësh…/ Tirana Today
