Kryetari i Kuvendit të Serbisë, Ivica Daçiç i ka quajtur shqiptarët dhe kroatët “vëllezër të armëve” duke komentuar njoftimin e ministrit kroat të mbrojtjes se janë gati t’i ndihmonte autoritetet e Prishtinës që ta transformojnë FSK-në në Ushtri të mirëfilltë.
“Për shumë vite dhe dekada ka pasur një koalicion midis separatistëve kroatë dhe shqiptarë nga ish-Jugosllavia. Armët u prokuruan përmes atyre kanaleve.”, tha Daçiç në emisionin “Hit Tweet” në televizionin serb, TV Pink.
Ai shtoi se shumë politikanë dhe separatistë shqiptarë ishin pjesë e ushtrinë kroate, shkruan Novosti.
“Nuk është asgjë e re. Ata janë vëllezër me armë, ata ishin bashkë në çdo luftë, dhe në Luftën e Parë Botërore dhe në Luftën e Dytë Botërore. Ata ishin në anën e kundërt të njerëzimit, por u mor si e mirëqenë. Nuk është marrë shumë për keq edhe kur luftuan kundër Amerikës, Britanisë së Madhe, Francës.”, u shpreh Daçiç.
Kryeparlamentari serb nuk i ndali akuzat duke shtuar se dhe në Luftën e Dytë Botërore, regjimi shqiptar dhe ai kroat ishin në shërbim të Gjermanisë naziste.
