Levandovski-Haland, Bajerni po projekton sulmin “atomik”

Kontrata e Robert Levandovskit te Bajerni i Mynihut skadon në fund të qershorit 2023, por disa ditë më parë në mediat gjermane qarkulloi një lajm për një takim të agjentit të polakut me drejtuesit e Bajernit.

Sipas “Tz”, Zahavi ka këmbëngulur për të folur rreth së ardhmes së sulmuesit, ndërsa Bajerni është përgjigjur se lojtari nuk është në listën e shitjes dhe nuk do të jetë deri në fund të kontratës.

Mediat gjermane shkruajnë se Bajerni ndoshta po mendon për një skenar tjetër, atë të transferimit të Erling Halandit në Mynih. Mino Rajola kërcënoi disa ditë më parë se do ta dërgonte Halandin te Bajerni, nëse Borusia nuk do të lejonte lojtarin të largohej këtë sezon nga Gjermania.

Norvegjezi kërkohet nga shumë ekipe në Europë dhe pritet të transferohet në një skuadër të madhe. Mirëpo, verdhezinjtë kërkojnë që ai ta respektojë kontratën me ta deri në fund. Nëse kjo nuk do të ndodhë, atëherë Raiola mund të detyrojë lojtarin t’i bashkohet Bajernit.

Edhe pse e paimagjinueshme për momentin, nuk përjashtohet mundësia që Haland dhe Leva të luajnë në një skuadër duke formuar ndoshta sulmin më të fortë në botë