Një aksident është shënuar në orët e para pas mesnate në Durrës, teksa një i ri ka aksidentuar makinën e patrullës së policisë.
Ngjarja është regjistruar rreth orës 02:00 në vendin e quajtur Ura e Dajlanit. Si pasojë e përplasjes janë lënduar lehtë dy punonjës policie.
Sipas policisë, shtetasi E.J., 22 vjeç po drejtonte mjetin nën efektin e alkoolit.
Durrës/Informacion paraprak.
Më datë 29.02.2020, rreth orës 02:00, në vendin e quajtur “Ura e Dajlanit”, automjeti i Patrullës së Përgjithshme që ishte duke patrulluar në zonë është goditur nga mbrapa nga një mjet tip “Volksëagen” me drejtues shtetasin E.J., 22 vjeç, i cili drejtonte mjetin nën efektin e alkoolit në masën 0.44 mg/l. Si pasojë e goditjes janë lënduar lehtë pa asnjë problem për jetën dy punonjës policie.
Drejtuesi i mjetit është shoqëruar në ambjentet e Policisë për veprime të mëtejshme.
Grupi hetimor po punon për zbardhjen dhe shkakun e aksidentit.
