Vendi ynë do të vijojë të jetë “i mbërthyer” nga masa ajrore të nxehta dhe të thata. Sot edhe nesër, moti do të vijojë të jetë i kthjellët në pjesën më të madhe të territorit, përjashtuar vranësirat kalimtare në relievet malore në lindje.
Për ditën e nesërme, këto vranësira parashikohen të shoqërohen edhe me shtrëngata afatshkurtër. Temperaturat do të vijojnë të mbeten të larta.
Në disa zona, në orët e matjeve të temperaturave maksimale, ato mund të arrijnë deri në vlera nga 41 deri në 42 gradë celcius! Të larta do të mbeten gjithashtu temperaturat e natës (minimale) ku në disa zona zhiva e termometrit mund të mos zbresin nga vlerat 25 apo dhe 27 gradë celcius!
