Shtetasi Kimet Çollaku është arrestuar ditën e sotme nga policia e Fierit, pasi i ka marrë një shtetaseje me anë të mashtrimit shumën prej rreth 8 mijë euro.
35-vjeçari me banim në Vlorë, ishte në kërkim, ndërkohë që është arrestuar edhe bashkëpunëtori i tij.
Ndalimi i këtij shtetasi u bë pasi Gjykata e Shkallës së Parë Fier, ka caktuar masën e sigurisë “Arrest në burg”, për veprën penale “Mashtrimi”.
Njoftimi i policise
Specialistët për Hetimin e Krimit Ekonomik e Financiar në Drejtorinë Vendore të Policisë Fier, ndaluan shtetasin e shpallur në kërkim:
K.Ç, 35 vjeç, banues në Vlorë.
Ndalimi i këtij shtetasi u bë pasi Gjykata e Shkallës së Parë Fier, ka caktuar masën e sigurisë “Arrest në burg”, për veprën penale “Mashtrimi”.
Shtetasi K.Ç, për një periudhë një vjeçare, i ka marë një shtetaseje me anë të mashtrimit shumën prej rreth 8 mijë euro.
