Blutë e Fierit kanë prangosur shtetasin Elton Metaj, 31-vjeç, i cili vrau me automatik ish-gruan e tij. Vrasësi është kapur nga FNSH në një zonë të pyllëzuar në fshatin Peshtan. 31-vjeçari ka qëlluar me armë zjarri ish-bashkëshorten Sabrina Bengaj, në banesën e prindërve të saj.
I arrestuari, gjatë mbrëmjes së djeshme, qëlloi për vdekje ish-bashkëshorten, Sabrina Bengaj në banesën e prindërve të saj. Ky krim ishte i paralajmëruar, pasi rreth një vit më parë, 31-vjeçari kërcënonte familjen e ish gruas dhe më pas kërcënoi se do kryente vetëvrasje. Pavarësisht kësaj, ai u la i lirë pas disa muajsh burg, dhe më pas kreu edhe krimin tronditës duke i marrë jetën ish-bashkëshortes së tij.
Pas tre orësh ndjekje, nga policia e Fierit, Forca e Posacme “Shqiponja”, në bashkëpunim dhe me dy grupe të FNSH Fier, falë veprimeve të shpejta u bë i mundur lokalizimi dhe kapja e autorit në një zonë të pyllëzuar të fshatit Peshtan, bashkë me armën e krimit automatik dhe motomjetin me të cilin u largua nga vendngjarja të cilat u sekuestruan në cilësinë e provës materiale.
Në vijim të veprimeve, specialistët për Hetimin e Krimeve në Komisariatin e Policisë Fier, arrestuan në flagrancë për veprën penale “Vrasja për shkak të marrëdhënieve familjare” shtetasin Elton Metaj, 31 vjeç, banues në Peshtan( i dënuar më parë për veprat penale “Armëmbajtja pa leje” , “Kundërshtim i punonjësit të policisë” dhe “Dhunë në familje” ).
Njoftimi i policisë:
Fier – Kapet në kohë rekord dhe arrestohet nga Policia autori i vrasjes së ish-bashkëshortes në fshatin Zhupan mbrëmjen e djeshme.
Pas 3 orë ndjekjesh në kushte të vështira për shkak të errësirës dhe rrezikshmërisë që kishte ky person pasi ishte i armatosur, u kap nga Policia në një zonë të pyllëzuar në fshatin Peshtan autori bashkë me armën e krimit.
Pas marrjes së njoftimit se në fshatin Zhupan, në banesën e ish-vjehrrit, shtetasi Elton Metaj ka vrarë me armë zjarri ish-bashkëshorten e tij, shtetasen S. B., menjëherë në vendngjarje shkuan shërbimet e Policisë dhe organizuan punën për kapjen e autorit i cili ishte larguar nga vendngjarja me një motomjet.
Pas 3 orësh ndjekje, nga strukturat e DVP Fier, Forca Operacionale, Forca e Posacme “Shqiponja”, shërbimet e Komisariatit të Policisë Fier në bashkëpunim dhe me 2 grupe të FNSH Fier, falë veprimeve të shpejta, të mirëorganizuara dhe profesionale, u bë i mundur lokalizimi dhe kapja e autorit në një zonë të pyllëzuar të fshatit Peshtan, bashkë me armën e krimit automatik dhe motomjetin me të cilin u largua nga vendngjarja të cilat u sekuestrua në cilësinë e provës materiale.
Në vijim të veprimeve, specialistët për Hetimin e Krimeve në Komisariatin e Policisë Fier, arrestuan në flagrancë për veprën penale “Vrasja për shkak të marrëdhënieve familjare” shtetasin Elton Metaj, 31 vjeç, banues në Peshtan( i dënuar më parë për veprat penale “Armëmbajtja pa leje” , “Kundërshtim i punonjësit të policisë” dhe “Dhunë në familje” ).
Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme.
