Në emisionin “Opinion”, mbrëmjen e djeshme ka shpërthyer debati në lidhje me paketën “Anti-shpifje”. Debate të forta janë shkaktuar mes përfaqësuesve të qeverisë në studio, deputetit Musa Ulqini dhe këshilltares së Qeverisë Elira Kokona, me pedagogun Mark Marku. Ky i fundit, në mënyrë kategorike ka qenë kundër paketës “Anti-shpifje”. Teksa Kokona tregonte argumentet pse sipas saj ky projektligj është i duhuri, Marku e ka ndërprerë derisa në debat e sipër i ka thënë “Je vartëse që i lëpin këmbët Ramës”. Ndërsa Mark Marku nuk gjente hapsirë për të shprehur mendimin e tij, në një çast situata i ka dalë nga duart. Ai iu drejtua panelit se do i gjuante me shishe, në rast se atë e ndërprisnin.
Debati i Markut me këshilltaren Kokona:
Mark Marku: Ke ardhur këtu si këshilltare apo si avokate?
Elira Kokona: Jo zotëri nuk jam këshilltarja e askujt
Mark Marku: Ku punon?
Elira Kokona: Unë jam zëvendës sekretare e përgjithshme…
Mark Marku: Ku punon..
Elira Kokona: Jam zëvendës sekretare e përgjithshme e Këshillit të Ministrave
Mark Marku: Pra je…
Elira Kokona: Jam nëpunës civil
Mark Marku: Jo, jo… Je vartëse që i lëpin këmbët Ramës
Elira Kokona: Lëpirjen e këmbës e keni zakon ju zotëri, për këtë arsye shkoni tregoja kujtdo që e meriton… Kam një karrierë që s’kam nevojë t’jua tregoj juve
Mark Marku: Mos na thuaj avokate…Ça karriere ke? Karrierë… Na dalke dhe avokate, ke një funksion publik.
Debati i Markut me të ftuarit që e penguan të fliste:
Mark Marku: Ore më lini të flasë se do t’ju shaj
Fevziu: Po vazhdo o Mark
Mark Marku: Po si të flas kur ju më ndërprisni
Fevziu: Po ti merresh me politikë, po fol
Mark Marku: Do ju gjuajë me shishe po më ndërpretë më
Fevziu: Shaj, po me shishe mos gjuaj
Mark Marku: Do t’jua mbyll gojën me dhunë
