71-vjeçari që u ekzekutua në përplasjen me forcat RENEA, ishte divorcuar dy herë më parë. Djali i Lefter Zhidrus ka thënë në një prononcim për ‘Report tv’, se ka pasur marrëdhënie mjaft të mira dikur me të atin, por nuk takoheshin pas zënkave që kishin pasur. Për shkak të marrëdhënieve të agravuara më vonë, i ndjeri kishte vite pa e takuar të birin.
Në fshat kishte 5 vite pa ardhur, më herët vizitonte të vëllanë dhe të birin me probleme të shëndetit mendor që jeton i vetëm.
Odisea 49 vjeç thotë se i ati ka vite pa e vizituar. “Unë jetoj në shtëpi me perëndinë. I ka ardhur dita e perëndisë, kam nja 5-6 vjet, kam pasur marrëdhënie të shkëlqyera. Pastaj bëmë disa llafe. Më foli perëndia mua pastaj. Na lidh një Zot. Jam takuar njëherë me një vëlla nga ana e babait”, tregon ai.
Zhidru kishte pesë kallëpe tritol në banesën e tij, të gjitha gati për të shpërthyer. Krahas tyre, ai kishte municion të mjaftueshëm si edhe një bombol gazi që synonte ta përdorte për shpërthim.
Ai u ekzekutua me një plumb në kokë nga njëri prej snajperave të RENEA-s që ishte i pozicionuar aty.
