Presioni i kohës, emocionet e skenës, perfeksioni e shumë arsye të tjera ndikojnë në gjendjen e aktorit, por të gjithë në skenën e “Portokalli”-së ia kanë dalë me sukses. Është aktori i humorit Gaz Paja, i cili ka ndarë me publikun një incident të vogël që ka ndodhur në skenë.
Në episodin e së dielës te “Sekretet e Portokallisë”, aktori i njohur rrëfeu se një herë ishte nxehur aq shumë për një problem me muzikën në skenë, saqë kishte hedhur mikrofonin nga inati.
“Pati një incident me mikrofonin, nuk e solli në parametrat e duhur, se kënga u këndua. Unë mund të isha përmbajtur, se ashtu siç gaboj unë gabojnë e të tjerë. I kërkova ndjesë publikut. Pjesa tjetër ishte që nuk u përmbajta dot, hodha një mikrofon, ne nuk dështojmë në asgjë. Mund të ketë qenë çështje valësh, baze, dhe kam thyer një mikrofon pas skene. Shpresoj mos ma kenë futur në llogari”.
