Kreu i Partisë Demokratike, Lulzim Basha ka thënë se thashethemet se ai është i kapur dhe urdhërohet nga rusët, janë vetëm propagandë.
Basha tha se në të vërtetë është kryeministri Rama ai që pret oligarkët rusë dhe që u ka dhënë atyre naftën.
«Kjo është e gjitha propagandë, si ajo që bëhej në komunizëm ku përfshihej armiku më i madh i popullit. Politikan më evropian se unë nuk ka, Rama pret oligarkët rusë, u ka dhënë naftën. Dhe agjendën rajonale për ndarjen e Kosovës, Rama-Vuçiç e bëjnë mjaft mirë. Kështu që rusët s’kanë nevojë të investohen te Lulzim Basha që është politikan me pikëpamja evropiane.”
I pyetur mbi vendimin e disa deputetëve demokratë, mes tyre Rudina Hajdarit për mosdjegien e mandatit, Basha tha:
“Nuk do merrem me asnjë prej tyre. Motivi i atyre që kanë qëndruar në kuvend, nuk i shërben interesit të kombit, as interesit të demokracisë”./Tirana Today
