Referuar deklaratave të Ramës në emisionin “Real Story”, ku tha se “çelja e negociatave nuk është si tryezat me Lulin. Më duhet vetëm pak kohë që të bind atë”, një reagim ka ardhur nga zëdhënësja e PD, Ina Zhupa. Ajo shkruan në Facebook se kryedemokrati Basha nuk ka asnjë lidhje me atë që përfaqëson kryeministri Rama. Për të, Basha mbetet modeli i politikanit europian, që mbart në karrierën e tij arritje historike për Shqipërinë. Në vazhdën e akuzave, Ina Zhupa shënjestron Ramën se ka mashtruar shqiptarët për 300 mijë vende pune, shëndetësi falas, rend e siguri, etj.
Statusi
Lulzim Basha nuk ka asnje lidhje me ate qe perfaqeson Rama!
Sepse te punosh per qytetaret sipas Rames eshte deshtim. Te punosh per krimin, jo!
Te ndalosh mafian e ndertimit, sipas Rames, eshte deshtim, te jesh partner i saj dhe t’i pastrosh parate me kulla shumekateshe, jo!
Te ndertosh shkolla kopshte e çerdhe, sipas Rames, eshte deshtim, te vjedhesh cdo qindarke deri dhe tek sherbimin shendetesor, jo!
Te perfaqesosh vlerat qytetare, sipas Rames, eshte deshtim, te kriminalizosh shtetin dhe qeverine, jo!
Ky modeli i Edi Rames duhet zhdukur nje ore e pare!
Basha eshte modeli i politikanit europian, qe mbart ne karrierien e tij arritje historike per vendin.
Ai eshte nder kontribuesit kryesore per ndertimin e rruges se kombit, Rama u vuri takse shqiptareve te veriut dhe Kosoves.
Basha eshte nder kontribuesit kryesore te anetaresimit te vendit ne NATO, Rama po e mban peng tash 6 vjet hapjen e negociatave.
Nen lidershipin e Bashes, Shqiperise iu liberalizuan vizat, Rama perzuri shqiptaret nga vendi i tyre, i ktheu azilant që rrezikojnë liberalizimin e vizave, se i vodhi dhe varferoi Shqiperine.
Lulzim Basha punoi per dokumentimin e krimeve te luftes ne Kosove, pavaresine dhe njohjen nderkombetare te saj, Edi Rama, siç e thone media dhe eksperte nderkombetare, u investua personalisht per ndarjen e saj.
Ai mashtroi shqiptaret per 300 mije vende pune, shendetesi falas, rend dhe siguri, ulje te cmimit te produkteve te shportes, ulje te çmimit te energjise, etj.
E shnderroj Shqiperine ne vendin me taksat dhe çmimet me te larta, ku 1/3 e qytetareve nuk sigurojne dot as ushqimin e perditshem.
Arritjet e Rames, me te cilat tashme ka nje vend te percaktuar ne histori, jane kriminalizimi i shtetit, shnderrimi i Shqiperise ne Kolumbine e Europes, vendi me i korruptuar dhe ne emigracionin me te madh.
Nese deshtimi do te kishte nje emer tjeter, ai do te ishte Edi Rama!
Rama deklaroi në emisionin “Real Story” se është i gatshëm të bëjë marrëveshje me kreun e Partisë Demokratike, Lulzim Basha, në çdo datë dhe çdo kohë. I pyetur nga gazetarët në studio, nëse do të pranonte marrëveshje me Bashën, ai tha se do ta bënte një gjë të tillë, përveç datës 17 nëntor, kur është çlirimi i Tiranës. Pasi sipas kreut të qeverisë, Basha ka qenë kryebashkiaku më i dështuar.
“Në çdo sekondë jam gati të bëj marrëveshje, në 17 mars, 17 qershor, 17 tetor… përveç 17 nëntorit, që e kemi çlirimin e Tiranës dhe nuk merrem me kryetarin e dështuar. Zgjedhje të parakohshme? Unë kam vetëm një gjë të parakohshme në kokë, rindërtimin”, tha Rama.
