Detaje të reja janë hedhur në dritë sa i takon shpërthimit me tritol mëngjesin e sotëm në Durrës. Lënda plasëse ishte vendosur në mjetin e të fortit të lagjes 17. Bëhet fjalë për shtetasin Lulzim Kastrati. Ky i fundit, me detyrë inspektor policie në Durrës, njihej dhe si i forti i lagjes 17 në Durrës.
Për fat të mirë, nga shpërthimi janë regjistruar vetëm dëme materiale, ndërsa uniformat blu kanë shoqëruar disa persona në polici, që dyshohet se mund të kenë dijeni për ngjarjen.
“Më datë 03.09.2021, rreth orës 06:25, në lagjen nr.17, Durrës, dyshohet se është vendosur dhe ka shpërthyer një sasi e vogël lëndë plasëse në mjetin e parkuar para banesës, në pronësi të shtetasit L. K.,(punonjës policie), nga e cila ka vetëm dëme të vogla materiale.
Shërbimet e policisë kanë shoqëruar disa persona që dyshohen që mund të kenë dijeni për rrethanat e ngjarjes. Grupi hetimor ndodhet në vendngjarje, dhe po punon për zbardhjen e rrethanave të ngjarjes, identifikimin dhe kapjen e autorëve”, njofton policia.
