Liverpool eliminoi Bayernin e Munich nga Champions League dhe kjo ka lënë një shije mjaft të hidhur tek drejtuesit bavarezë. Britania e Madhe prej dy vitesh ka një kauzë të madhe politiko-ekonomike që quhet BREXIT, e cila nënkupton daljen e shtetit nga unioni europian.
Ky ndryshim radikal që kërkojnë britanikët prek në mënyrë të menjëhershme dhe futbollin. Kjo pasi nëse Britania e Madhe del nga unioni europian skuadrat angleze duhet të mos marrin pjesë në Ligën e Kampionëve.
Uli Hoenes, një prej drejtuesve të Bayernit ka thënë për mediat se nëse do të ndodhë BREXIT, skuadrat angleze duhet të mos marrin pjesë në Ligën e Kampionëve.
“Nëse vitin tjetër do të ndodhë BREXIT dua që Liverpool, Manchester United dhe ekipe të tjera mos t’i shoh më në Ligën e Kampionëve. Kjo është një kërkesë drejtësie dhe gjithçka tjetër që do të ndodhte do të ishte shkelje e dinjitetit njerëzor”, ka thënë Hoenes.
Gjithashtu ai reagoi me indinjatë ndaj një kritike që ka bërë një gazetar mbi deklaratën e tij për skuadrat angleze. “Keni udhëhequr ndonjëherë një ekip si Bayerni në krye të botës?”, ka përfunduar Hoenes me tone ironie.
