Gjon Muharremaj i njohur me emrin e artit Gjon’s Tears, fitoi vendin e tretë në “Eurovision” ku përfaqësonte Zvicrën. Gjatë një interviste të dhënë kohë më parë për “ABC e Pasdites”, ai kishte treguar se ka pasur dëshirën që të përfaqësonte Shqipërinë, por organizatorët e Festivalit të Këngës e kanë lënë jashtë, pasi ishin plotësuar vendet.
Në kundërpërgjigje, moderatorja Alketa Vejsiu e ka pranuar këtë situatë, dhe ka theksuar se rregullat e festivalit janë të njëjta për të gjithë.
Gjon’s Tears ka qenë i ftuar në një lidhje me Skype me emisionin “Wake up” në Top Channel, ku u pyet lidhur me përgjigjen e Alketa Vejsiut.
“Nuk më intereson shumë. Kjo puna ‘jashtë datës’, OK. Nuk e kisha dëgjuar këtë, tani po e dëgjoj. Tani s’dua të bëj skandal, asgjë. S’e kam problem. Zvicra më pranoi dhe jam shumë krenar. S’kam problem me asnjë, jam i lumtur që u bë “Eurovisioni”. Për mua kjo është histori e vjetër, le të shkojmë përpara”, u shpreh Gjoni.
