Blutë e Tiranës kanë arrestuar një 40-vjeçar, i dënuar më parë për vrasje, pasi ka kërcënuar se do vriste bashkëjetuesen. Policia në kuadër të operacionit policor të koduar “Parandalimi”, kanë arrestuar në flagrancë shtetasin me inicialet D. H., 40 vjeç, i dënuar më parë për veprën penale “Vrasja”. 40-vjeçari, në mënyrë të vazhdueshme ka ushtruar dhunë ndaj bashkëjetueses, dhe e ka kërcënuar se do ta vriste.
“Parandalohet një ngjarje e mundshme kriminale në familje. Ushtroi dhunë ndaj bashkëjetueses dhe e kërcënoi se do ta vriste, vihet në pranga 40-vjeçari i dënuar më parë për vrasje.
Specialistët e Seksionit për Hetimin e Krimeve në Komisariatin e Policisë Nr. 3, pas njoftimit të marrë nga një shtetase, se bashkëjetuesi i saj e dhunonte, menjëherë kanë organizuar punën dhe në kuadër të operacionit policor të koduar “Parandalimi” kanë arrestuar në flagrancë shtetasin: D. H., 40 vjeç, i dënuar më parë për veprën penale “Vrasja”.
Ky shtetas dyshohet se në mënyrë të vazhdueshme ka ushtruar dhunë ndaj bashkëjetueses dhe e ka kërcënuar se do ta vriste. Materialet i kaluan Prokurorisë, për veprime të mëtejshme procedurale, për veprën penale “Dhuna në familje”.
