Presidenti i Republikës, Ilir Meta deklaroi se patronazhistët kanë arritur deri te vajza e tij e vogël, të cilën e konsideron pikën më të dobët për të.
Në një konferencë të jashtëzakonshme për mediat, Meta u shpreh se patronazhistët i thanë që i ati të mos pijë, të jetë i qetë dhe të ruajë figurën e Presidentit.
Ndër të tjera, Kreu i Shteti tha se vajzës së tij i kishin dërguan lajmin sikur ai kishte ngacmuar bashkëshorten e deputetit socialist, Damian Gjiknuri.
Ilir Meta: ”Deri kur do jetoni nën këtë presion, deri kur? 10 mijë fuksa janë shtuar në administratë. patronazhistët më ngacmojnë edhe vajzën e vogël, duke e ditur se e kam pikë të dobët. Para disa ditësh i kishin dhënë një lajm që ksiha ngacmuar gruan e Damian Gjiknurit. Më tha babi mos pi më të lutem, ç’punë ke me gruan e tij. Më tregoi lajmin, thashë mos kam bërë ndonjë lapsus, por jo i thashë, unë kam thënë gurunë, jo gruan. Mora Tedin dhe i thashë ta korigjojë se është gabim. I dërgojnë gocës vazhdimisht dhe i thonë thuaj babit të mos pijë më, të mos ngrejë zërin por të ruajë figurën e Presidentit.”
