Babai i Andi Malokut, shoferit që mbeti i vrarë në atentatin ndaj prokurorit Arjan Ndoji, i bën thirrje SPAK që të hetojë dhe t’i sqarojë se pse iu vra djali.
“Im bir 2 muaj pune si shofer i prokurorit Ndoj. Prokuroria ka videot e ngjarjes dhe nuk arreston atentatorin tjetër. Prokuroria te veproje ndryshe do e marr vete gjakun e tim biri.”, tha Genc Maloku, babai i viktimës.
Mes të tjerash, Maloku tregoi se ishte ai që ia kishte dorëzuar pamjet e kamerave të sigurisë deputetit të opozitës, Halit Valteri.
Ai mes të tjerash tregoi se kishte takuar deputetin e opozitës Halit Valteri dhe i kishte treguar kamerat e sigurisë.
“Unë kam videot dhe i kërkova ndihmë deputetit Valteri që të ngrejë zërin. Videot i kam siguruar privatisht, SPAK të veprojë”, shtoi ai.
Atentati ndaj prokurorit Ndoji u bë më 1 nëntor të vitit 2019. Arian Ndoji ndodhej në makinë me Pëllumb Muharremin, i njohur si Rrumi i Shijakut, dhe që është një personazh i njohur i botës së krimit, si dhe shoferin e tij, Andi Maloku, që ndërroi jetë në spital.
Kujtojmë që deputeti i opozitës, Halit Valteri është thirrur sot në SPAK, për të dorëzuar pamjet e siguruara.
