Deputeti Halit Valteri ka paralajmëruar se opozita e re mund të lërë Kuvendin dhe të djegin mandatet, siç bëri opozita pak muaj më parë. Gjatë fjalës së mbajtur në Kuvend, ai akuzoi mazhorancën se po i merr kohën opozitës, duke mos i dhënë mundësinë që të flasë.
“Ne duam kohë të flasim, se keni blerë 25 deputetë këtu e votojnë sipas atyre që doni ju. I bëni ligjet si të doni dhe nuk pyesni fare për opozitë.
Nëse doni, ne ikim fare nga këtu e bëjmë siç bënë atë të parët. Por kemi menduar të bëjmë diçka ndryshe. Për ça e do kohën mazhoranca? Për të mbrojtur tenderat sekret që i bëni natën”, u shpreh Valteri.
