Personeli mjekësor në Spitalin e Traumës është karantinuar pasi ka pasur kontakt me një nga të aksidentuarit në qytetin e Durrësit tre ditë më parë, i cili rezultoi pozitiv me COVID-19.
Raportohet se në karantinë janë futur 5 mjekë dhe 5 infermierë, ndërsa pas 5 ditësh atyre do t’u bëhet tamponi.
I riu i aksidentuar që doli pozitiv me koronavirus është dërguar në Urgjencën e Spitalit Infektiv në Tiranë dhe thuhet se është në gjendje të stabilizuar.
Ndërkohë tamponi i është marrë edhe shokut të tij dhe tre mjekëve në spitalin e Durrësit, por fatmirësisht rezultuan negative.
