Koronavirusi çdo ditë e më shumë po shënon viktima. Të infektuarit po ashtu po shtohen në masë. Familjarët përballen me rregullat e vendosura nga shteti përkatës, për mos lejimin e përcjelljes për në banesën e fundit të njeriut të tyre të dashur. Për personat që kanë ndërruar jetë nga koronavirusi, ka një ligj të veçantë për varrimin. Anëtarët e një familje kanë dhunuar mjekët, pasi ata nuk i kishin lejuar të shihnin në çastin e fundit njeriun e tyre. Një sherr masiv ka ndodhur në një spital të Meksikës.
Familjarët e një pacienti që humbi jetën nga koronavirusi, kanë sulmuar stafin mjekësor. Ata janë ndaluar të shohin të afërmin e tyre, e për pasojë kanë reaguar ashpër ndaj mjekëve.
Një punëtor i spitalit ka filmuar momentin, kur familja i është kundërvënë stafit mjekësor, përfshirë një infermieri, Daniel Zamorano. Ai ka marrë të gërvishtura në fytyrën e tij.
Infermieri ka publikuar në rrjetet sociale një foto të fytyrës së tij me plagë, krah së cilës shkruan: “Sot katër burra dhe dy gra më rrahën, sepse i afërmi i tyre vdiq nga koronavirusi. Ata nuk e kishin parë që nga e hëna, sepse ishte i izoluar”.
