Kombëtarja shqiptare vazhdon stërvitjen në Durrës për miqësoren që do të zhvillojë të hënën përballë Norvegjisë në “Elbasan Arena”. Atmosfera në kampin kuqezi duket mjaft e mirë, ku lojtarët pas stërvitjes gjejnë kohë për tu argëtuar me njëri-tjetrin.
Një natë më parë ishte radha e lojtarëve që grumbullohen për herë të parë me kombëtaren të këndonin këngët, të cilat tashmë janë bërë traditë për grupin. Ndërsa sonte është Elseid Hysaj ai që “tallet” keq me djemtë e kombëtares. Ai ka postuar një video në Instagram, ku me anë të filtrave të fytyrës bën si lepurush Sadikun, Grezdën dhe Strakoshën.
