Babë e bir në Angli janë dënuar me 34 vite burg gjithsej, pasi organizuan një grabitje në një dyqan argjendarie.
Ngjarja në fjalë u regjistrua më 14 dhjetor të këtij viti, në Northampton dhe grabitja zgjati vetëm 45 sekonda. Elliott Burton, 49 vjeç dhe djali i tij Connor, 27 vjeç, nga Birmingham, së bashku me 3 persona të tjerë të maskuar arritën të vjedhin 162,000 dollarë ora me vlerë dhe stoli.
Policia ka publikuar edhe pamjet nga grabitja, ku shihet se personat e maskuar sulmuan dyqanin duke u futur me një makinë tip BMW të bardhë, teksa më pas kanë dalë duke kërcënuar me armë.
Pas një gjyqi tre javor, babai u shpall fajtor për komplotin për të kryer vjedhje dhe u burgos me 20 vite burg. Ndërsa djali i tij Connor u shpall fajtor për të njëjtën akuzë, por u dënua vetëm me 14 vjet burg.
