Është luajtur ditën e sotme ndeshja Inter-Bologna, ku kjo e fundit ka fituar me rezultatin 2-1.
Lukaku kaloi Interin në avantazh në minutën e 22 ndërsa tek minuta e 62-të, Interi fitoi edhe një 11-metërsh, por Martinez gaboi.
Ishte Juwara ai që barazoi rezultatin në minutën e 74-t, ndërsa në minutën e 80 Interi kapitulloi totalisht, kur Barrow shënoi golin e avantazhit.
Humbja e Interit u cilësua si dramatike, pasi mund të ketë shuar përgjithmonë shpresat për titullin kampion këtë sezon.
Pas kësaj humbjeje, Interi mbetet 11 pikë larg vendit të parë, në të cilin ndodhet Juventusi. Por jo vetëm kaq, pasi Interi tashmë rrezikon të humbasë edhe vendin e tretë.
Kjo pasi Atlanta që ndodhet në vendin e katërt, ka vetëm katër pikë më pak dhe mund çojë këtë diferencë në 1 pikë nëse do të fitojë ndeshjen e sotme ndaj Cagliarit.
