Federata Shqiptare e Futbollit ka ndërprerë zyrtarisht bashkëpunimin me trajnerin, Christian Panucci.
Në njoftimin për mediat bëhet me dije: “Federata Shqiptare e Futbollit njofton se ditën e sotme ka ndërprerë zyrtarisht bashkëpunimin me trajnerin Christian Panuçi. E falenderojmë trajnerin Panuçi për punën e zhvilluar deri më tani, dhe i urojmë suksese në vazhdimin e karrierës”.
Ekipi kombëtar në ndeshjen e dytë zyrtare eliminatore kundër Andorrës në transfertë do të drejtohet nga Ervin Bulku dhe Sulejman Mema, si edhe pjesa tjetër e stafit aktual.
Mbrëmë kombëtarja u mposht 2-0 nga Turqia, dhe siç duket, presidenti Armand Duka nuk e ka kapërdirë dot humbjen në ndeshjen e parë të eliminatoreve.
