Kancelarja e Gjermanisë, Angela Merkel ka humbur njeriun më të shtrenjtë të familjes, nënën e saj e cila ndërroi jetë në moshën 90-vjeçare.
Herlind Kasner, një ish mësuese angleze, sipas revistës gjermane “SuperIllu” dhe gazetës “Bild”, ka ndërruar jetë në fillim të muajit prill.
Në furneralin e saj, sipas mediave të huaja, do të marrin pjesë njerëz të afërt të familjes. Varrimi i nënës së Merkelit do të të kryhet në perëndim të Templinit, aty ku Kasner jetoi për disa vite.
Nëna e Merkelit lindi në Danzig në vitin 1928. Ajo lindi kancelaren Merkel në qytetin gjerman të Hamburgut në vitin 1954 dhe më vonë u zhvendos në Gjermaninë Lindore me bashkëshortin e saj, Horst Kasnerin, një ish pastor që vdiq në vitin 2011.
Edhe në fund të viteve ’80, Kasner vazhdoi të jepte kurse anglishjte tre ditë në javë në një qendër arsimore për të rritur në Templin.
“Shpresa ime është që mësimi nuk do të shihet vetëm si një profesion zellshëm dhe i mundimshëm, por më tepër edhe si diçka që është argëtuese dhe është e dobishme”, thuhet të ketë thënë Kasner.
