Një tjetër pacient ka ndërruar jetë në spitalin universitar “Shefqet Ndroqi”, e ndërsa Ministria e Shëndetësisë sqaron se nuk ka vdekur si pasojë e koronavirusit.
Pacienti 82-vjeçar nga Shkodra, ka humbur jetën si pasojë e tromboembolisë pulmonare, trombozë e venës porta, trombozë e venës renale dhe absesi subdiafragmal.
“I moshuari është sjellë në gjendje të rëndë nga spitali i Shkodrës dy ditë më parë, dhe ishte pa shenja të COVID-19.
Referuar spitalit “Shefqet Ndroqi”, pacienti nuk ka ndërruar jetë si pasojë e COVID-19, pasi ishte asimptomatik për këtë sëmundje, por si pasojë tromboembolisë pulmonare.
Ministria e Shëndetësisë informon se do të mbajë të informuar publikun për çdo zhvillim, ndaj lutemi t’i referoheni njoftimeve zyrtare”.
