Poetja Rita Petro, ka ndarë me publikun emocionet e trishta pas humbjes së bashkëshortit si pasojë e Covid-19. Botuesi dhe themeluesi i shtëpisë botuese “Albas”, Latif Ajrullai, bashkëshorti i poetes dhe botueses Rita Petro, u nda nga jeta më 8 nëntor.
“Është e vërtetë po bëhet afro një muaj e gjysmë që unë humba partnerin. Ai u nis në Maqedoni për ato rutinat e tij me kompanisë, dhe ditën e dielë që ai do kthehej më tha kam temperaturë”.
Ndër të tjera, ajo u ka dhënë një shpjegim njerëzve të cilët ende e pyesin se ku e gjen forcën për të ecur para.
“Njërëzit më thonë se ku e gjen forcën, unë e gjej edhe në aspektin personal dhe profesional.
Është një sëmundje kaq e keqe që njeriut nuk i bëhen as ato ceremonitë, po fal zhvillimit të teknologjisë edhe njerëzit që nuk të gjendet pranë, gjejnë një mënyrë.
Për shembull. unë që të nesërmen, shkova te shtypshkronja, e përcollëm, bëmë atë ceremoninë. Të gjithë e gjejnë një mënyrë. Edhe unë jam ndjerë mirë me veten, pasi i bëra të gjitha ritet ashtu siç duhet”, tha ajo.
