Aktori i Star Wars Andrew Jack ka vdekur në moshën 76 vjeçare nga koronavirusi.
Andrew i cili ishte edhe një trajner i dialekteve, ndërroi jetë këtë mëngjes në një spital jashtë Londrës, si rezultat i komplikimeve të krijuara nga virusi.
Përfaqësuesja e tij Jill McCullough tha: ‘Ai vdiq këtë mëngjes nga Covid-19 në Spitalin e Shën Pjetrit, Chertsey. Andrew jetonte në një nga varkat më të vjetra të punës në Thames, ishte i pavarur dhe shume i dashuruar me gruan e tij; gjithashtu një trajner dialektesh.
Tragjikisht e shoqja është akoma në karantinë në Australi ku sapo kishte mbërritur javën e kaluar. Ajo nuk ishte në gjendje ta shihte apo bisedonte në momentet e fundit të jetës së tij dhe ekziston mundësia që të mos mbahet funerali.’
Andrew interpretoi ‘Major Caluan Ematt’ në “The Force Awakens” dhe “The Last Jedi” dhe po punonte në mënyrë aktive deri disa javë më parë.
Ai gjithashtu projektoi dhe mësoi thekse për Grekët dhe Trojanët në filmin hit të vitit 2004 “Troy”.
