Trajneri i ekipit të basketbollit për femra “Flamurtari’”, Viron Toska ka ndërruar jetë si pasojë e Covid-19.
Lajmin e hidhur e ka bërë me dije gazetari Enrik Mehmeti nëpërmjet një postimi në Facebook.
Prej disa javësh në intubim, Toska nuk ka mundur ta fitojë betejën me virusin.
Ai ka ndërruar jetë në moshën 64-vjeçare, ndërsa prej vitit 2002 në krye të ekipit të vajzave të Flamurtarit ekipi njohu 47 trofe dhe 14 herë titullin kampion.
Toska si trajner e nisi karrierën me ekipin e djemve ne vitin 1978.
Si pasojë e Covid-19 kanë humbur jetën shumë personalitete të sportit në Shqipëri.
